Марота: Нема повеќе клупски легенди, мораме да ја почитуваме одлуката на Шкриниар

Италијанскиот прволигаш Интер ќе остане без услугите на Милан Шкриниар кој реши да не прифати продолжување на соработката, односно да каже „ДA“ за понудата, повикот од Пари Сен Жермен.

Тој ќе се пресели во Париз по крајот на актуелнава сезона и тоа како слободен играч со тоа што постоеше опција и порано да стане „светец“, ама Интер се решии да не ја прифати понудата од францускиот шампион. Во таборот на калчолигашот се секако разорачани поради одлуката на Словакот, меѓутоа во исто време потенцираат дека мора истата да ја почитуваат.

-Не сакам да разговарам за деталите, ја гледам големата слика. Светот на фудбалот постојано се менува, нема повеќе клупски легенди, играчите можат да го променат клубот многу брзо. Ние мора да се навикнеме на овој вид фудбал, кој е далеку од романтичен поглед на играта.

-Очигледно ова не е нешто во што уживаме ние и нашите фанови, ама тука се занимаваме со професионалци. Шкриниар направи избор и беше негово право да го стори тоа, затоа мора да го почитуваме. Не се сомневаме во неговиот професионализам и сериозноста што тој секогаш ја докажува. Тој ќе може да докаже со факти дека на висина на задачата со овој дрес, -порача Бепе Марота.