Марота: Јувентус е фаворит за пехарот во Серија А

Интер и Јувентус се двете најдобри екипи во досегашниот дел на оваа сезона во Серија А, но и покрај што се на водечките позиции ниту едните, ниту другите не сакаат да прифатат дека се фаворити за Скудетото.

„Старата дама“ најчесто преку тренерот Масимилијано Алегри постојано потенцира дека целта е Топ 4 и дека Интер е тимот кој има најголеми шанси за пехарот.

Со слична тактики се служат и во таборот на „нероаѕурите“ кои преку директорот, Бепе Марота ја испратија следнава порака:

-Тие имаат слична конзистентност зад сцената како нас. Наполи се мачи, но промената на тренерот може да предизвика такви проблеми.

-Верувам дека Јуве е фаворит затоа што може подобро да ја испланира неделата, но ова не смее да биде алиби за нас, туку нешто како дополнителна мотивација да создадеме фасцинантна лигашка битка до самиот крај, -рече Марота.

Интер со 31 бод е на врвот, Јувентус со 29 е на втората позиција, а веќе во наредното 13. коло овие два клуба ќе се соочат во Торино.