Марота ги потврди амбициите на Интер и го објави клупскиот став за казната на Конте

Бепе Марота не сака да го отфрли фактот дека Интер сезонава има шампионски амбиции во Серија А, а вечерва ја прокоментира и суспензијата на тренерот Антонио Конте.

Конте беше казнет со два натпревара отсуство од клупата поради вербалниот дуел со судијата Џузепе Мареска во Удине, но вечерва може да ја води својата екипа во куп дербито со Милан.

– Интер има сериозни амбиции секоја сезона, а во однос на актуелната, би било некоректно ако кажеме дека немаме амбиции да го освоиме скудетото.

– Во фудбалот и спортот воопшто има ситуации кои водат кон недоразбирања, а тоа се случи со Конте на средбата со Удинезе. Ја разгледавме казната и решивме да не се жалиме, – изјавил Марота.

Конте ќе треба да плати и 20.000 евра парична казна, додека тимскиот менаџер Леле Ориали помина само со казна од 5.000 евра.