Мароко полека добива нов херој: Брахим со фудбалска минијатура донесе победа во 93. минута (Видео)

Брахим Дијаз ја смени репрезентацијата и од неодамна ги брани боите на Мароко, а полека, но сигурно се претвора во вистинска ѕвезда на овој национален тим.

Играчот на Реал Мадрид одлучи да не ја чека Шпанија и да настапува за земјата која е родна на неговиот татко, па како што се развива ситуацијата, мора да се каже дека за него тоа се покажува како полн погодок.

Дијаз добива се позначајна улога во тимот кој беше најголема сензација на последното Светско првенство, бидејќи успеа да постигне гол на втор меч во низа.

Мароко се мачеше на гостувањето кај Лесото во квалификациите за Африканскиот Куп на нации, но пред да биде означен крај на мечот, Дијаз режираше минијатура.

Ѕвездата на Реал направи клучна разлика во 93-та минута и постигна мајсторски гол за победа, потег со кој се повеќе ги освојува симпатиите меѓу „лавовивте“.

Видеото погледнете го ТУКА