Мароко го преслуша Бразил пред своите фанови во Тангер (Видео)

Мароканската фудбалска репрезентација го победи Бразил со 2:1 во пријателски натпревар одигран доцна синоќа, со што уште еднаш покажа дека успехот на последното СП не бил случаен.

Африканската селекција одлично му парираше на фаворитот уште од почетокот на средбата, иако голманот Буну имаше неколку несигурни интервенции, а при една грешка на одбраната Винисиус постигна гол, кој беше поништен со ВАР проверката.

Веднаш потоа Мароко поведе со голот на Буфал, а на израмнување се чекаше до 67. минута, кога Касемиро погоди за 1:1, a такво нешто му овозможи лошата голманска интервенција.

Сепак, домаќините го вратија водството во 79. минута, кога Сабири ги постигна конечните 2:1 за голема радот на мароканските фанови.