Маркоски ново име во таборот на Шкендија

Поранешниот младински репрезентативец на Македонија, Кире Маркоски и официјално е нов член на екипата на Шкендија.

Маркоски пред некое време ја заврши приказната со Шкупи, но останува во Македонија и тоа во редовите на актуелниот шампион со кого потпише договор на 18 месеци.

-Желба на секој играч кој игра во домашниот шампионат е еден ден да биде дел од Шкендија. Среќен сум што потпишав за Шкендија која создава силен тим кој има за цел да ја одбрани титулата и да дојде до успеси во европските натпреварувања. Верувам дека овде можам да се развивам повеќе како фудбалер. Со нетрпение чекам да почне првенство и да го дадам максимумот, па заедно со моите нови соиграчи да постигнеме успех, -порача Маркоски кој во досегашната кариера има уште настапувано за Академија Пандев, АЕЛ Лимасол и Спартак Трнава.