Марко горд на Кари Пешиќ: Ова е мојот татко…(ФОТО)

Србија ја надигра Германија и сосема заслужено го освои третото место и бронзениот медал на кошаркарскиот турнир на Летните Олимписки Игри.

Србите славеа со 93:83, успех за кој голема заслуга има тренерот Светислав Пешиќ, стратег кој и покрај многуте успеси во кариерата знае да биде жестоко критикуван во јавноста кај нашиот северен сосед. Меѓутоа и овој резултат е уште една потврда дека Кари е класа, голем работник кој е тука за својата држава иако во текот на овој месец ќе го прослави и 75 родеден.

Ова го инспирираше неговиот син Марко да се огласи со еден емотивен статус на социјалните мрежи.

-Ова е мојот татко, освои медал на секое големо натпреварување во младинска и машка кошарка… пример за посветеност и меѓу другите работи одлучност никогаш да не се откажуваш и никогаш да не престанеш да учиш! Многу сум горд, -напиша Марко.

This is my father, won a medal at every major competition in youth and men’s basketball…role model for dedication, commitment and among other things willingness to never give up and never stop learning! ❤️🫡 so proud! pic.twitter.com/8SbddSLLrQ

— Marko Pesic (@pesic7) August 10, 2024