Маркињос: ПСЖ нема голема ѕвезда, но…

Пари Сен Жермен новата сезона во Лигата на шампионите ќе ја отвори на домашен терен и тоа против најпријатното изненадување од минатата кампања во шпанската Примера, составот на Џирона.

Ова е средба закажана за 21 часот на „Паркот на принцовите“, средба која дефинитивно е идеална за „светците“ со добро издание да испратат порака во однос на нивните амбиции.

ПСЖ по подолго време нема некоја голема ѕвезда во своите редови како Мбапе, Нејмар, Меси…но според капитенот Маркињос тоа нема да биде проблем и тие како состав ќе нишанат кон врвот.

-За мене, моите соиграчи секогаш ќе бидат најдобри на светот, дури и ако нема големи имиња, нема големи ѕвезди, -рече стоперот.

-Заедно ќе го откриеме новиот формат, тоа е како првенство, не смееме да губиме бодови, особено затоа што почнуваме дома, додаде Бразилецот.