Поврзете се со нас

Мото ГП

Маркез обелодени како изгледа неговата рака после четвртата операција и ги шокираше фановите (Фото)

Објавено

на

Foto:instagram.com/marcmarquez93

Марк Маркез прерано стави крај на уште една натпреварувачка сезона во Мото ГП, откако процени дека не е доволно конкурентен за шампионската титула во ситуација кога се уште има лимитирани движења со повредената рака.

По даденото зелено светло од страна на лекарите, Маркез направи четврта операција на раката во период од две години со цел конечно да го реши големиот проблем, а неполн месец по операцијата, објавена и првата фотографија од тоа како изгледа неговата десна надлактица.

Маркез објави неколку фотографии на социјалните мрежи од својот летен одмор и со тоа откри како изгледа неговата застрашувачки голема лузна, која воедно ги шокираше Мото ГП фановите.

Целта на осумкратниот шампион ќе биде да се врати наредната сезона и да биде максимално подготвен за шампионска борба, а пред неколку дена даде оптимистичка изјава и покрај лошиот изглед на раката во овој момент.

– Чувството кое го имам засега е многу позитивно. Најдобро е што веќе немам болка во раката и тоа е најважно. Тоа ми овозможува да одморам спокојно и да ги слушам советите од медицинските лица, – изјави Маркез на почетокот на оваа седмица.


Реклама
Реклама
Реклама

Популарни