Маркез нема среќа: Трета операција и нова долга пауза

Марк Маркез ја пропушти речиси цела последна сезона во Мото ГП, а според најновите информации од Шпанија, нема да биде подготвен ниту за стартот на следната.

Веќе поранешниот светски шампион во Мото ГП третпат бил опериран на проблематичната рака и лекарите најавиле дека сега му следува нова задолжителна пауза од околу шест месеци.

Ова е вистински шок за фановите на Маркез, кои очекуваа дека внимателноста и избегнувањето ризик сезонава, ќе значи дека Шпанецот ќе биде сигурно подготвен за настап во 2021 година.

Најновата вест потврдува дека Маркез нема среќа со рехабилитацијата, коската не заздравува со посакуваното темпо, па лекарите решиле и третпат да го оперираат на раката на која заработи фрактура на почетокот на претходната сезона.

Членот на Репсол Хонда сигурно ќе ги пропушти сите тестирања, но исто така и првите неколку трки од новата сезона. Се очекува да се појави на патеката на четвртата трка, која ќе се вози во Херез, Шпанија.