Маркез го издвои најтешкиот противник во кариерата и нагласи: Кога пристигнав во Барселона, тоа беше губитнички тим!

Рафа Маркез беше дел од една навистина убава етапа во Барселона која многумина ја сметаат како револуционерна за сите огромни успеси на каталонскиот гигант во изминатите десетина години, а будејќи свои спомени од истата, легендарниот мексикански капитен не пропушти да го нагласи талентот на младите фудбалери од Ла Масија, но и да го потенцира најтешкиот ривал во Примера.

Маркез беше навистина ценет дефанзивец кој лесно можеше да игра и како последен играч за врска, па како таков, постојано имаше битки со најсилните напаѓачи кои во тоа време настпауваа во шпанската Ла Лига.

– Јас пристигнав во Барселона во ера кога сите ја сметаа Барса за губитник. Не беше меѓу првите во Шпанија и секогаш остануваше на чекор од освојување на нешто големо. Горд сум што бев дел од таа промена, од таа револуција од која беа дел играчи како Роналдињо. Тоа беше почетокот на реконструкцијата по која се истакнаа играчи како Чави, Пујол, Валдес. После тоа, почнавме да освојуваме многу титули, – вели Маркез кој сега е амбасадор на Ла Лига, а играше за Барса од 2003-та до 2010-та година.

Во своето обраќање кое го имаше за телевизискиот канал на Ла Лига, Маркез го истакна и најтешкиот противник, ставајќи акцент на легендарниот Раул Гонзалес.

– Во Ла Лига го имав најтешкиот противник. Тоа беше играч кој навистина се наметнуваше во секој поглед. За Раул немаше изгубена топка, секогаш се бореше и тој беше навистина комплициран, тежок играч за чување. Играњето против него го правеше „Ел Класико“ уште поспецијално, – вели Мексиканецот.