„Марка“: Трансферот на Белингам е „кражба на векот“

Шпанска „Марка“ направи анализа на трансферот на Џуд Белингам во Реал Мадрид, а со оглед на формата и настапите на англискиот репрезентативец, истата завршува со заклучок дека шпанскиот великан ја извел „кражбата на векот“ со овој трансфер.

Парите кои Реал и ги плати на Борусија Дортмунд од денешна перспектива изгледаат како незначајна сума, пред се поради фактот што за Белингам се интересираа и многу побогатите премиерлигаши.

– Реал Мадрид ја изведбата кражбата на векот од премиерлигашите со трансфер стратегија која не подразбира најдобра финансиска понуда на маса.

– Трансфер сумата и платата на Џуд се големи, но инфериорни во однос на тоа што го понудиле Манчестер Сити, Ливерпул и другите заинтересирани членови на Премиер лигата.

– Белингам во Реал заработува чисти 11 милиони евра годишно, плата која не е ни највисока во екипата, што покажува дека парите не биле главен мотив и на фудбалерот.

– Реал не плаќа со пари, туку со слава, – изјави неодамна Хорхе Валдано, зборови кои објаснуваат и најголем дел од мотивите на Џуд да го засили Реал.

Премиерлигашите сега ќе мора да чекаат долго време да се обидат да го доведат Белингам во своите редови, – заклучува „Марка“ во својата анализа.