Мари неизвесен за Аустралијан Опен поради позитивен тест на коронавирусот

Енди Мари треба да настапи на Аустралијан Опен по покана на организаторот, но сега е неизвесно дали Британецот ќе може да се појави на терените во Мелбурн.

Причина е позитивен тест на ковид-19 на Мари, за кој јавноста дозна денеска, а доаѓа во пресрет на планираното патување во Австралија.

Мари сега е во изолација во Лондон, вели дека се чувствува добро и очекува да може навреме да ги исполни условите за да учествува на турнирот.

Тенисерите мора да отпатуваат во Мелбурн со еден од 15 чартер летови организирани од самиот грен-слем турнир, а потоа ќе треба да имаат неколку негативни тестови во текот на 14 денови во кои ќе бидат во карантин.

Првиот грен-слем сезонава ќе започне во поинаков термин од вообичаеното поради коронавирусот, а првите мечеви ќе се играат на 8. февруари.