Мари не можеше да добие уште еден маратон, публиката во Мелбурн го испрати со овации и аплаузи (ВИДЕО)

Енди Мари направи две вистински чуда во претходните рунди на Австралија Опен каде успеа да ги елиминира Матео Беретини и Танасис Кокинакис по големи драми кои траеја пет сета, односно по 5 и 6 часа.

Шкотот и денеска се обиде да даде се од себе и да го изненади Роберто Баутиста Агут, меѓутоа немаше сила за нова сензација и доживеа пораз со 3-1 во сетови со 1:6, 7:6, 3:6, 4:6.

Три ипол часа Енди се обидуваше да му парира на помладиот колега, се обидуваше да се издигне, повторно да се надмине, меѓутоа и покрај големата поддршка од публиката на „Маргарет Корт“, тој на крајот мораше да му честита на Агут за триумфот.

Големиот борец сосема заслужено беше испратен со овации и аплаузи од присутните гледачи во Мелбрун.

👏👏👏 @andy_murray.

An Inspirational run.#AusOpen • #AO2023 pic.twitter.com/zmoOB7rOpV

— #AusOpen (@AustralianOpen) January 21, 2023