Марфи за ѕвездата на Јунајтед: Тој би бил многу подобар во Арсенал

Манчестер Јунајтед назначи во менаџер во името на Рубен Аморим, а тоа дефинитивно значи дека ќе има промени во играчкиот кадар во наредниов период.

Првата можност за тоа е јануари, а потоа доаѓа и летниот преоден рок што значи дека реално е да видиме некој нов Јунајтед со сериозно освежен играчки кадар од наредната кампања. Сигурно ќе има и заминувања, а медиумите во последниве денови веруваат дека една од ѕвездите која може да го напушти клубот е Маркус Рашфорд.

Од него се очекува да биде лидер или меѓу лидерите, но далеку е од посакуваното ниво и се остава простор за шпекулации кога е во прашање неговата иднина на „Олд Трафорд“

-Тој треба да прави повеќе со талентот што го има. Мислам дека веќе го видовме најдоброто од Маркус Рашфорд, но тој е способен повторно да дојде до тоа ниво. Мислам дека Рубен Аморим е способен да го направи тоа. Мислам дека сценариото да си замине е нереално, мислам дека ќе остане и Аморим ќе извлече повеќе од него. Имаше една сезона од светска класа, неговите бројки беа одлични. Со способноста што ја има, мислам дека е способен за повеќе. Тој е во клубот долго време, но менаџерската ситуација никогаш не била стабилна, има многу промени.

-Да беше во подобар тим, поуспешен тим, под покомпетентен менаџер од некој што го видовме во Јунајтед, можеби ќе видиме поинаков исход. Има прекрасни атрибути но најголем проблем му е перцепцијата, -истакна Дени Марфи кој во однос на сугестијата дали можеби Арсенал е вистинскиот клуб за него, тој порача:

-Знаете што, никогаш не знаете со сигурност, но играјќи во тим кој е толку стабилен, толку самоуверен и компетентен, постои случај неговиот краен производ да биде многу подобар, бидејќи Арсенал е навистина доминантен во натпреварите, -рече Марфи за „Токспорт“.