Мареска за статусот на Стерлинг и Чилвел: Не сум брутален, туку искрен

Енцо Мареска го презема Челси во ситуација кога клубот располага со најмалку два цели состави, а тој инсистира на тоа да располага само со онолку играчи колку што му се потребни на секој тим.

Тоа подразбира дека многу фудбалери извисија и треба да си бараат нова средина, а во таа група се наоѓаат и искусните Рахим Стерлинг и Бен Чилвел, повремени англиски репрезентативци за кои нема место во годинешниот Челси.

Двајцата играчи не ни тренираат со првиот тим, а нема да бидат во комбинација и за денешниот натпревар од Конференциската лига.

– Зборував со Стерлинг пред натпреварот со Сити, му кажав дека ќе му биде тешко да добие минутажа ако остане и затоа нема да биде во составот.

– Со Чилвел е слична ситуација, најмногу поради позицијата на која настапува. Ако сметате дека ова е брутално, тоа е ваша одлука. Јас сметам дека е искрено, а не брутално, – рекол Мареска.