Мареска за шансите на Челси за титула во ПЛ: Во овој момент…

Челси е во серија од четири победи во низа во Премиер лигата, а последното славје против Тотенхем ги донесе на само минус четири во однос на лидерот Ливерпул.

„Сините“ играат навистина квалитетно и многумина почнаа да ги издвојуваат како тим кој навистина може да влезе во трката за титулата во англискиот шампионат, меѓутоа со ова не се согласува менаџерот на Челси, Енцо Мареска кој смета дека мора да одат чекор по чекор и дека ги очекува уште работа за да можат вистински да го нападнат врвот, тронот на кој во моментов е Манчестер Сити.

-Можете да го помирисате, можете да го почувствувате и веројатно затоа реков дека не сме подготвени затоа што не го чувствуваме тоа и не го мирисаме тоа во овој момент. Се надевам дека наскоро ќе бидеме таму, но во овој момент мислам дека тоа е една од причините зошто мислам дека не сме таму.

-Сакам да се убедам себеси и да ги убедам играчите дека единствениот начин да се борите за нешто или да се натпреварувате за нешто е да се фокусирате на ден за ден. Затоа што кога ќе почнете да размислувате за два дена, три дена, еден месец, два месеци, тоа е почеток на лошото време, -порача Мареска.

Клубот од Лондон во оваа рунда е домаќин на Брентфорд.