Мареска за поразот од Фулам: Лекција која мора да ја научиме

Челси вчера имаше водство против Фулам до финишот на средбата, но гостите направија пресврт и со гол постигнат длабоко во судиското надополнување го оставија градскиот ривал и без бод од овој дуел.

Менаџерот Енцо Мареска по натпреварот ги коментирал случувањата на „Стемфорд Бриџ“ и потенцирал дека неговите фудбалери мора да извлечат поука од драматичниот пораз.

– Голот кој го примивме во последните моменти од средбата остава горчливо чувство.

– Сум кажал и претходно дека ако веќе не можеш да победиш, важно е да освоиш барем бод.

– Во првото полувреме ја контролиравме играта, но во продолжението им овозможивме да добијат дополнителна енергија и мотивација. Ова е лекција за нас и истата мора да ја научиме, – рекол Мареска.