Мареска се премисли и „одмрзна“ еден од играчите кои ги прецрта ова лето: Сега е дел од нас

Енцо Мареска примени доста радикален метод со 15 фудблери во летниот преоден рок и ги отстрани од тренинзите од првиот тим, па огромен дел од нив беа принудени да направат трансфери и да си заминат од „Стемфорд Бриџ“.

На оваа листа беа и елитни имиња како Кепа Аризабалага, Ромелу Лукаку, Рахим Стерлинг и Конор Галахер, но и Бен Чилвел кој сепак не успеа да си пронајде нова средина во времетрањето на трансфер пазарот.

Искусниот лев бек се најде во крајно незавидна ситуација и се чинеше дека цела сезона ќе ја мине како „замрзнат“ фудбалер, меѓутоа сега дошло до голема промена во размислувањето на Мареска, кој е подготвен да му даде шанса на Чилвел.

Откако беше вратен на тренинзите во првиот тим и забележан насмеан во Кобхам центарот, италијанскиот стручњак сега потврди дека го „одмрзнал“ некогашниот англиски репрезентативец.

– Бен беше еден од момците кои беа подготвени да си заминат, но сега се врати во првиот тим и тренира со нас. Сега е дел од тимот и тренира многу добро. Без оглед на се, тој е наш фудбалер. Ситуацијата беше јасна и планиравме да си оди, но сега ситуацијата се промени. Од меч во меч ќе размислуваме дали ќе можеме да го искористиме за да му помогне на тимот, – изјави Мареска.