Мареска откри непредвиден проблем за Челси пред дуелот со Копенхаген

Челси има предност од првиот дуел со ФК Копенхаген во осминафиналето на Конференциската лига, но менаџерот Енцо Мареска е загрижен поради неочекуваниот проблем во пресрет на реваншот.

Премиерлигашот утре ќе биде домаќин на второто соочување со данскиот ривал, а Мареска открил дел од најважните играчи деновиве биле болни и не тренирале со соиграчите.

– Рис Џејмс, Кол Палмер и Кристофер Нкунку дури денеска првпат тренираа со соиграчите.

– Имаа проблеми, но денеска се чувствуваа подобро. Пред два дена им дадовме одмор, а вчера не беа ни присутни во тренинг центарот.

– Утре ќе одлучам дали ќе ги користам за натпреварот, – открил Мареска.

Челси треба само да го потврди четвртфиналето, а следен противник ќе му биде подобриот од двомечот меѓу Молде и Легија.