Мареска одработи добра домашна задача против „своите“, Челси го освои „Кинг Пауер“ (Видео)

Енцо Мареска денеска мораше да го подготви својот Челси за дуел против играчите кои ги тренираше до пред само неколку месеци, па од виденото на теренот, слободно можеше да се заклучи дека Италијанецот навистина добро ги познава „лисиците“.

Лестер изгледаше немоќно во поголем дел од натпреварот со Челси и покрај тоа што беше домаќин, а тоа најдобро покажа дека Мареска одлично си ја заврши „домашната задача“.

Челси поведе со голот на Џексон во раната фаза од првото полувреме и ова водство беше активно до 75-та минута, период во кој гостите целосно доминираа на теренот.

Во таква ситуација, Енцо Фернандез постигна втор гол за помирен крај на мечот, а Лестер во судиското продолжение постигна само почесен гол.

„Лисиците“ добија пенал во 95-та минута, а истиот во гол го претвори Ају за конечни 1:2.

Головите погледнете ги ТУКА