Мареска не го пријави најдобриот играч на Челси за возбудувањата во Европа (Фото)

Челси се мачеше во квалификациите за Конференциската лига и доста проблеми го реши Сервет во баражот за третото по ранг европско натпреварување, кое во прв момент изгледа не е приоритет на менаџерот Енцо Мареска.

Италијанскиот стручњак денеска го достави официјалниот список со 27 фудбалери на кои ќе смета во Европа, а на истиот го нема најдобриот играч на Челси.

Кол Палмер е изоствен и во прв момент не е пријавен за воведните возбудувања во Европа, што значи дека групната фаза Челси ќе мора да ја мине без својот највлијателен играч во нападот.

Според информациите, Мареска на овој начин сака да ги изменаџира силите и да го сочува Палмер за вториот дел од сезоната, за кога веројатно планира Челси да има изборено место во втората фаза.

Палмер ќе може дополнително да биде пријавен за вториот дел од сезоната, па овие неколку месеци добива поштеда и одмор со оглед на тоа што оваа сезона ќе биде убедливо најтешка кога е распоредот во прашање.

Покрај англискиот репрезентативец, на списокот на Мареска не се најдоа уште Весли Фофана и Ромео Лавија.

Cole Palmer, Wesley Fofana and Romeo Lavia have been omitted from Chelsea’s squad for the Europa Conference League.

All three have been left out as Chelsea plan how best to navigate a 2024-25 campaign that will require them to compete in five competitions and could continue deep… pic.twitter.com/7DeovMhHFJ

— The Athletic | Football (@TheAthleticFC) September 5, 2024