Мареска не е загрижен од реакцијата на Стерлинг: Вакви работи се случуваат често

Енцо Мареска има преголем ростер на располагање и голем број фудбалери извисија за вчерашниот дуел со Манчестер Сити, при што меѓу фановите најголемо изненадување е прецртувањето на Рахим Стерлинг.

Повремениот англиски репрезентативец не беше ниту на клупата, а уште пред почетокот на натпреварот неговите агенти реагираа со соопштение и побараа објаснување за статусот на Стерлинг од Челси.

Менаџерот бил прашан за оваа ситуација по поразот од Сити, но очигледно воопшто не е загрижен од реакцијата од таборот на Стерлинг.

– Вакви работи се случуваат често.

– Менаџерот мора да донесе одредени одлуки, а дел од нив нема да им се допаднат на фудбалерите. Тоа е нормално, во случајов се работи за техничко решение и ништо друго, – рекол Мареска.