Мареска: На Челси му се потребни седум играчи како него

Челси утре е домаќин на Брајтон во Премиер лигата и сите во таборот на „сините“ се надеваат на победа и со тоа продолжување на серијата на позитивни резултати.

Клубот од Лондон ќе мора да даде се од себе за да дојде до посакуваната цел против тимот кој знае да биде доста незгоден особено кога игра со големи состави, великани на англискиот фудбал.

Ова воедно ќе биде соочување на Марк Кукурелја со својот поранешен тим, а менаџерот Енцо Мареска испрати големи комплименти на адреса на шпанскиот репрезентативец кој едноставно игра стандардно, констатно во оваа 2024 година.

-Марк е многу важен. Марк има нешто што понекогаш се мачите да го најдете кај играчите. Тој е добар и ги прави добри играчите околу него затоа што е човек кој постојано зборува, секогаш бара.

-Ако можете да имате пет, шест или седум играчи како Марк во вашиот тим, кои секогаш зборуваат за подобрување на останатите, тоа е многу важно. Многу сум среќен со Кукурелја, -порача Мареска.