Мареска искрен за играч кој замина на заем: Не ни недостасува во тимот

Енцо Мареска успеа да се ослободи од дел од вишокот фудбалери во составот на Челси за време на зимскиот преоден рок, а го привлече вниманието на новинарите со изјава поврзана со еден од играчите кои заминаа во друга средина.

Се работи за Жоао Феликс, кој Челси го откупи од Атлетико Мадрид за најмалку 50 милиони евра, а по неубедливата полусезона сега е испратен на заем во Милан.

Португалецот постигна гол на дебито за „росонерите“, но Мареска вели дека не жали за својата одлука.

– Не ни недостасува Жоао, среќен е во Милан и ние сме среќни бидејќи тој е задоволен.

– Факт е дека е незгодно да ни се повредат двајца играчи на последниот ден од преодниот рок, но очекувам Нико Џексон да се врати брзо во тимот, – рекол Мареска чија екипа вчера загуби од Брајтон во ФА купот.