Мареска го нуди Стерлинг за да добие ѕвезда на Јунајтед: Тој не е мој тип на играч!

Енцо Мареска целосно го „замрзна“ Рахим Стерлинг и се откажа од услугите на некогашниот англиски репрезентативец, кој сега е на трансфер пазарот и мора да реализира преселба во наредните два дена.

Стерлинг е интересен за неколку клубови од Премиер лигата и Челси инсистира да се дојде до прецизен договор, но од друга страна, ја пикираше и идеалната замена за него.

Лондонскиот клуб преговара со Манчестер Јунајтед за размена на Стерлинг и Џејдон Санчо, со тоа што Челси го нуди и Бен Чилвел за да се комплетира операцијата.

До овој момент, Јунајтед не е подготвен за размени и посакува да се реши операцијата преку одделни трансфери, но во целата ситуација е вклучен и Јувентус, клуб кој исто така сака да го донесе Санчо во своите редови.

Ако нешто е сигурно, тоа е дека Енцо Мареска по секоја цена сака да се ослободи од Стерлинг, а дали ќе го добие играчот кој го посакува од Јунајтед, останува само да видиме.

– Кажав веќе неколку пати, Рахим е фантастична личност. Единствен проблем е тоа што секој тренер си има свои различни идеи. Тој не е мој тип на фудбалер, тој не е крило какво што јас сакам. Тоа не вели ништо лошо за Рахим, неговата историјата и бројките кои ги има остварено кажуваат многу за него.

– Санчо? Ако можеме да донесеме играч кој ќе ни помогне, тоа ќе биде навистина многу добро. Санчо засега не е наш играч и ќе се обидам да покажам почит кон Јунајтед. Го познавам добро, но тој не е наш играч во моментов и нема да навлегувам во детали, – изјави Мареска.