Мареска: Двајца играчи ќе побараат да си заминат од Челси

Енцо Мареска засега успешно го води Челси, тим кој е втор во Премиер лигата и состав кој без грешка ја мина првата фаза во Конференциската лига на УЕФА.

Меѓутоа и покрај овие резултати има играчи кои се незадоволни кај „сините“ поради статусот што го имаат во екипата, поточно фактот дека не играат доволно, па тренерот Мареска јавно посочи дека очекува две имиња Бен Чилвел и Карни Чуквуемека да побараат да ја променат средината во зимскиот преоден рок.

-Има играчи кои за жал, не играа многу со нас во сите натпреварувања како Чилвел, како Карни. Веројатно тие се првите кои ќе кажат дека сакаат да заминат затоа што тренираат секој ден, затоа што сакаат да играат натпревари. Ако не играат мечеви веројатно размислуваат да си заминат.

-Секој играч е во малку поинаква ситуација, па ќе видиме дали некои од нив ќе дојдат и тропнат на врата и кажат „Сакам да заминам“ или нешто слично. Зависи и ќе се обидеме да најдеме решение, -порача Италијанецот.