Марчињак: Финалето меѓу Аргентина и Франција емотивно ме скрши

Шимон Марчињак имаше сезона од соништата и судеше на најважните фудбалски настани, бидејќи најпрво ја делеше правдата на големото финале во Катар, а потоа и во Лигата на шампионите.

УЕФА направи преседан со полскиот арбитар и за првпат еден судија кој беше дел од полуфинале судеше и во финалето, но ако мора да се бира, негов хајлајт дефинитивно беше завршниот меч на Светското првенство.

Марчињак заврши одлична работа и до крајот на својот живот ќе го памети финалето меѓу Аргентина и Франција, по кое вели дека не можел да се соземе со денови.

– Не зборувам само за неверојатниот резултат и начинот на кој се одвиваше мечот. После 2:0 се беше мирно и се чинеше дека Аргентина ќе оствари рутинска победа, но во една минута се се промени. Јужноамерикацните потоа повторно поведоа, а Франција не попушти и се избори за 3:3.

– Се подготвував многу за големото финале и замислував секакви сценарија, но никогаш вакво. Се подготвував и физички и психички, но после натпреварот не можев да си дојдам при себе. Тоа траеше подолг период, финалето ме скрши. Емотивно бев исцрпен, тоа е неверојатно чувство, – вели Марчињак во ексклузивното интервју за „Спорт клуб“.