Манојлов потпиша професионален договор со Работнички

Никола Манојлов го импресионирал тренерот Љупчо Марковски за време на летните подготовки, па денеска потпиша професионален договор со Работнички.

„Романтичарите“ очекуваат многу од талентираниот Манојлов, а младиот фудбалер ќе може да го покаже својот потенцијал веќе на стартот на новата сезона.

– Чест ми е што потпишав договор со Работнички. Верувам дека со напорна работа ќе се наметнам кај тренерот Љупчо Марковски и се надевам дека ќе дадам свој придонес во една успешна сезона за тимот, – изјавил Манојлов за официјалната интернет страница на ФК Работнички.

Манојлов и неговите соиграчи го отвораат новото првенство со гостување кај Силекс во недела.