Манев: Селекторот постави добра тактика, а ние покажавме дека вредиме

Јован Манев доби шанса од селекторот Благоја Милевски на двете квалификациски пресметки во месец септември, а мора да се каже дека дефанзивецот ја зграби оваа прилика со две раце и одигра два извонредни меча.

Манев вчера беше стрелец и на голот со кој ја заверивме победата на гостувањето кај Малта, па по крајот на мечот беше еден од оние кои дадоа изјава за Фудбалската Федерација.

Младиот дефанзивец пред извесно време направи трансфер во Осијек, а истиот го прослави на најдобар можен начин и сега мирно ќе може да се насочи на клупските обврски.

– Чест ми е што сум од оваа селекција, сакам да испратам честитки до сите соиграчи. Селекторот постави добра тактика и ние го испочитувавме тоа. Докажавме дека вредиме и дека можеме да направиме големи нешта. Нема да застанеме тука, сега да одмориме, а потоа да се насочиме на клубовите. Ќе се вратиме за еден месец и да се надеваме на исти успеси.

– Позитивно влегуваме во секој меч, само со такви мисли доаѓа успех. Сите работиме еден за друг, играме како тим и само така се прават големи работи, – изјави Манев.