„Манекените“ ја знаат формулата за успех: Милано ја сруши Барселона во „Палау Блауграна“ (ВИДЕО)

Кошаркарите на Олимпија Милано славеа над Барселона со 75-73 во мечот од 20. коло во Евролигата.

Ова за каталонците беше прв пораз на домашен терен во актуелнава сезона во ова натпреварување, но и втор неуспех против популарните „манекени“ кои ги совладаа и во Италија со 75-70. Ова беше средба во која двете екипи имаа свои добри и лоши минути, но избраниците на Месина беа тие кои подобро се снајдоа.

Во прв план беа Родригез и Дилејни, Шпанецот даде 18 поени од кои 15 беа во првите 20 минути, додека пак Американецот кој е екс играч на Барселона 14 од 15 кошеви ги даде во второто полувреме.

Кај шпанскиот прв Курич и Миротиќ искомбинираа 40 поени.

Фенербахче и Баерн Минхен славеа над Олимпијакос, односно Жалгирис на преостанатите два натпревари кои се одиграа.