Манчини го испофали новајлијата кој не знае да ја пее италијанската химна: Знае нешто што е многу важно во фудбалот

Италија ги освои првите бодови во нашата група и славеше без проблеми на гостувањето кај Малта, натпревар на кој вториот гол во низа го постигна новајлијата во италијанскиот тим, кој до пред само неколку дена беше анонимен за европската јавност.

Тоа не важи и за Роберто Манчини и неговите соработници кои направиле добар скаутинг во Аргентина, пред да одлучат дека Матео Ретеги заслужува шанса во националниот тим.

Дел од италијанските медиуми го критикуваа изборот на Манчини и по дебито на кое Ретеги постигна гол, а причина за тоа е незнаењето на италијански јазик и националната химна.

Фудбалерот кој е роден и израснат во Аргентина не знае да зборува италијански, но Манчини смета дека тој сериозно би напредувал ако го напушти Тигре и се пресели во Серија А.

– Ретеги знае како да ја смести топката во мрежата и тоа не е ништо, тоа е нешто што е многу важно во фудбалот. Ние го забележавме тоа кога го скаутиравме во Аргентина. Се уште му е потребно време, треба да се запознае со европскиот фубдал, но сите видовме дека знае да постигне гол и тоа е многу важен квалитет.

– Не ја знае целосно, но веќе се обиде да ја пее италијанската химна и тоа е напредок. Ако Ретеги дојде во Серија А, тоа ќе го направи посилен и ќе му помогне да го научи јазикот и да комуницира со соиграчите, – изјави Манчини.