Манчестер Сити нанижа уште една победа во Премиер лигата (Видео)

Манчестер Сити ја оствари и осумнаесеттата победа по ред во сите натпреварувања, триумфирајќи со минимални 1:0 на гостувањето кај Аренал.

Лидерот во Премиер лигата реализираше уште во втората минута кога Стерлинг погоди со глава по нафрлувањето на Марез, а тој гол беше доволен за освојување на трите бода.

Во продолжението Сити доминираше, но не успеа да го зголеми водството, додека Арсенал не беше премногу опасен за Едерсон и не можеше да креира нешто посериозно во противничкиот шеснаесетник.

За Сити ова е и тринаесетта победа во серија во Премиер лигата, како и продолжување на позитивната серија во меѓусебните премиерлигашки соочувања со Арсенал.

Со 59 бодови, Сити има десет бодови предност во однос на Лестер кој во моментов е на втората позиција.