Манчестер Сити го следи големото освежување во тимот на Милан

Актуелниот англиски шампион, Манчестер Сити, мора да размислува за засилувања по очајниот период, кој потврди дека Пеп Гвардиола има многу проблеми за решавање во својот тим.

Англиските медиуми и досега најавуваа одредени имиња како потенцијални кандидати за засилувања на Сити, а сега во игра е и големото освежување во редовите на Милан од пред една сезона.

Се работи за Тиџани Рајндерс, холандскиот репрезентативец кој се покажа како одличен трансфер за „росонерите“, а вчера со својот гол донесе важна победа за Милан на гостувањето кај Верона.

Рајндерс веќе го привлекол вниманието на Гвардиола и Сити, а англискиот клуб без проблеми би платил 60 милиони евра за да добие Холанѓанецот во своите редови.

Сепак, Милан нема лесно да се откаже од важен играч и претходно ќе се обиде да го продолжи договорот со Рајндерс, за кого во 2023 година плати 20 милиони евра.