Манчестер Јунајтед става голема клупска ѕвезда на својата трансфер листа

Раководството на Манчестер Јунајтед и менаџерот Рубен Аморим се согласиле околу едно сложено прашање поврзано со иднината на клубот, а тоа подразбира дека истата ја гледаат без Маркус Рашфорд во клупскиот ростер.

Англискиот репрезентативец веќе е на излезна врата од редовите на „црвените ѓаволи“, тврди весникот „Гардијан“, според кого Јунајтед би дал зелено светло за трансфер уште во јануари.

Главната причина за одлуката поврзана со Рашфорд е однесувањето на фудбалерот вон и во рамките на тренинг центарот на Манчестер Јунајтед и желбата на англискиот великан да ја врати клупската култура и дисциплина, која владееше во периодот на Алекс Фергусон.

Алехандро Гарначо веројатно ќе добие уште една шанса пред да биде прецртан, но времето на Рашфорд на „Олд Трафорд“ е истечено и тој може да замине за симболична сума.

Клубот би заштедил за големата плата која ја добива напаѓачот, но истата е товар и во однос на преговорите со заинтересираните клубови, бидејќи само малку можат да си дозволат таква сума за еден играч.

Рашфорд и Гарначо не беа во составот на дербито со Манчестер Сити, а одлуката и објаснувањето на Аморим доби поддршка не само од фановите, туку и од челниците предводени од Џим Ретклиф.