Манчестер Јунајтед со нов „трансфер удар“: Не може да договори ни фудбалер на Дерби Каунти

Иако се споменуваше дека Манчестер Јунајтед е во напредни преговори и е пред ангажман на фудбалерот на Дерби Каунти, Малком Ебиовеи, сепак тоа нема да се случи.

Талентираниот напаѓач кариерата и дефинитивно ќе ја продолжи во Кристал Палас, клуб со кој си поддал рака за соработка.

Напаѓачот веќе ги поминал медицинските прегледи и сега треба само да се официјализира неговиот трансфер. Ебиовеи веднаш ќе се приклучи на Кристал Палас со кого веќе потпишал договор до 2027 година.

Манчестер Јунајтед се поврзуваше и со трансферот на Витиња, фудбалер кој е пред потпис со тимот на ПСЖ, а претходно ја загуби битката и за ангажманот на Дарвин Нуњез кој заврши во Ливерпул.

Приоритет за Тен Хаг е ангажман на Френки Де Јонг, но барем засега нема напредок во преговорите меѓу Јунајтед и Барселона за овој трансфер.