Манчестер Јунајтед се распрашувал за напаѓач од португалското првенство

Ерик тен Хаг и натаму е во потрага по квалитетен напаѓач, а последните потези на Манчестер Јунајтед бил направени во насока на добивање информации за можноста за трансфер на фудбалер од португалското првенство.

Се работи за напаѓачот на Порто, Меди Тареми, иранскиот интернационалец кој имаше уште една одлична сезона во сино-белиот дрес и го привлече вниманието на скаутите на поголемите и побогати европски клубови.

Покрај солидните неколку сезони откако е во Порто, предност на Тареми е и трансфер сумата, бидејќи за негово ангажирање, Јунајтед не би требало да потроши повеќе од 20 милиони евра.

Тен Хаг веќе прифати да потроши околу 65 милиони фунти за Мејсон Маунт, па буџетот за нов напаѓач е многу помал од тој за англискиот репрезентативец.

Португалските медиуми одбележуваат дека Иранецот би бил многу поевтина алтернатива за премиерлигашот, а Тареми најави дека може да донесе голови за Јунајтед со последната сезона во која стигна до 31 погодок во сите натпреварувања.