Манчестер Јунајтед постигнал договор со Баерн, ќе плати 50 милиони евра за најновото засилување

Долгите преговори на Манчестер Јунајтед и Баерн Минхен денеска конечно дале позитивен епилог и англискиот клуб ќе го добие посакуваното засилување во одбраната.

Нов член на Јунајтед ќе биде Матијс де Лихт, дефанзивецот кој доаѓа на барање на Ерик тен Хаг, кој му беше тренер на својот сонародник и во редовите на Ајакс.

Де Лихт го загуби посакуваниот статус во Баерн и по само две сезони беше отворен за нов трансфер, па решил конечно да се испроба и во Премиер лигата.

Јунајтед ќе плати 45 милиони евра, плус дополнителни 5 милиони евра во лесно остварливи бонуси за холандскиот стопер, а останува уште Де Лихт да ги помине медицинските прегледи.

Трансферот ќе биде комплетиран наредниве неколку дена, па Де Лихт ќе се подготвува со новите соиграчи за почетокот на сезоната во Премиер лигата.