Манчестер Јунајтед остана без уште едно планирано засилување

Навистина е неверојатно како Манчестер Јунајтед останува без трансфер желбите на Ерик Тен Хаг кои полека, но сигурно си пронаоѓаат нови клубови каде што ќе ја продолжат кариерата.

Таков е случајот со младиот фудбалер од дефанзивата, Тајрел Маласија кој се договорил со Олимпик Лион, иако за него имало сериозен интерес и од Манчестер Јунајтед.

Играчот ќе потпише договор со Лион за сума од 15 милиони евра, колку што ќе добие тимот на Феенорд кој го поседува неговиот договор.

Маласија ќе потпише петгодишен договор и со тоа ќе стави крај на шпекулациите кои го поврзуваа со трансфер на „Олд Трафрд“.

Самиот фудбалер одлучил да потпише за Лион затоа што во клубот тренер е Петер Боз, холандски тренер со големо реноме.