Манчестер Јунајтед на готовс, извршниот директор на Борусија Дортмунд не отфрли заминување на звездата на тимот

Од таборот на Манчестер Јунајтед одблиску ја следат целата ситуација во Борусија Дортмунд, клубот кој поседува неколку фудбалери кои се супер интересни за големите европски тимови.

„Ѓаволите“ беа силно заинтересирани за ангажман на Џејдон Санчо во летниот преоден рок, но тогаш Борусија Дортмунд не отстапуваше од намерата да го продаде играчот за 110 милиони фунти, сума која Манчестер Јунајтед не сакаше да ја плати.

Сега, извршниот директор на Борусија, Ханс Јоаким Вацке истакна дека не може да отфрли било каков трансфер на играчите на клубот во летниот преоден рок.

Се верува дека Манчестер Јунајтед повторно ќе се врати по Џејдон Санчо, но и овојпат нема да нуди над 100 милиони фунти туку ќе понуди околу 80 милиони фунти максимум. Според последната изјава на Вацке, оваа сума би можела да биде доволна за да се реализира трансферот.

– Поради ситуацијата со пандемијата веќе не можам да отфрлам ништо. Не е неопходно да продаваме, имаме финансиски баланс и сме економски стабилни. Но сега трансферите се повеќе возможни од лани. Нема да ги молиме банките за кредити за да ги закрпиме дупките без притоа да продаваме играчи, тоа не е нашиот начин на работа, -изјави Вацке.