Манчестер Јунајтед ќе враќа фудбалер од кого се откажа пред четири години

Премиерлигашот Манчестер Јунајтед може да ангажира фудбалер од кого се откажа пред неколку години и да го врати на „Олд Трафорд“ без отштета.

Се работи за новопечениот англиски репрезентативец Енјџел Гомес, кој дебитираше за Јунајтед на 16-годишна возраст во 2017 година, а три години подоцна реши да го напушти „Олд Трафорд“.

По само десет настапи, Гомес реши да ја прифати понудата на Лил и успеа да го потврди својот потенцијал токму во Франција, каде претстојново лето му истекува договорот.

Манчестер Јунајтед го следи Гомес и знае дека ќе може да го обезбеди неговиот потпис без отштета, а засега нема најави дека Лил се обидува да ја продолжи соработката со англискиот интернационалец.

Трансферот бил одобрен и од новиот менаџер Рубен Аморим, кој добро ги познава квалитетите на играчот и дал зелено светло за преговори уште од јануари, кога Јунајтед официјално може да разговара со агентот на Гомес.