Манчестер Јунајтед ја потврди разделбата со директорот за кого преговараше со месеци и плати голема отштета

Џим Ретклиф и неговите најблиски соработници во Манчестер Јунајтед направија неочекуван потег, прекинувајќи ја соработката со спортскиот директор Дан Ешворт.

Англиските медиуми уште утринава ја објавија информацијата, за подоцна и клубот да ја потврди со кратко соопштение, со кое му посака среќа на Ешворт во неговите идни ангажмани.

Потегот немаше да биде изненадување, ако Ешворт не беше директор само пет месеци, а претходно принудно престана да ја врши истата функција во Њукасл, додека Јунајтед преговараше за негов „трансфер“.

Клубовите постигнале договор за отштета тешка 3 милиони фунти, за сега Ешворт да биде отстранет од новото спортско раководство на „црвените ѓаволи“.

Одлуката ја иницирал Ретклиф, а меѓу најважните причини е и ефектот од првиот преоден рок под водство на Ешворт, во кој Јунајтед потроши речиси 200 милиони фунти за фудбалери како Јоро, Угарте, Зиркзе, Де Лихт и Мазрауи.

Dan Ashworth will be leaving his role as Sporting Director of Manchester United by mutual agreement.#MUFC

— Manchester United (@ManUtd) December 8, 2024