Манчестер Јунајтед ја наполни мрежата на Челси и го потврди пласманот во ЛШ

Касемиро ја отвори, а Маркус Рашфорд ја затвори гол серијата на Манчестер Јунајтед во дуелот со Челси (4:1), со кој домаќините го потврдија и пласманот во Лигата на шампионите.

Првата голема шанса ја имаше Челси преку Мудрик, а промашувањето на Украинецот беше веднаш казнето, бидејќи на спротивната страна Касемиро погоди за 1:0 на асистенција на Ериксен.

До крајот на полувремето, Марсијал зголеми на 2:0, а точка на каква таква неизвесност стави Бруно Фернандеш, со гол постигнат од пенал.

Во продолжение, Рашфорд зголеми на 4:0, а конечните 4:1 ги постави Жоао Феликс.

Со оваа победа, Јунајтед дефинитивно избори место во Лигата на шампионите следната сезона, додека и дефинитивно Ливерпул ќе игра во Лига Европа.