Лига на шампиони

Манасков: Ова е специјален натпревар за мене, ќе се бориме за позитивен резултат против Веспрем

Објавено

на

27 ноември, 2024

Од

Еурофарм Пелистер има нов предвизик на европската сцена и тоа во Унгарија каде ќе ги одмери силите со Веспрем.

Веспрем е состав кој секогаш има највисоки амбиции во Лигата на шампионите, тим кој е на првото место во групата А, тим кој осттвари ритунска победа над македонскиот првак на првото соочување во Битола.

Меѓутоа секој натпревар е посебна приказна, секогаш се почнува од нула, па Дејан Манасков кој е поранешен играч на Веспрем се надева дека заедно како група ќе се обидат да го извлечат најдоброто од себе и ако се создаде шанса и да го шокираат апсолутниот фаворит.

-За мене ова е прво враќање по заминувањето од Веспрем и специјален натпревар за мене. Ќе биде тешко, но ќе се бориме и ќе се обидеме да им отежнеме и ако се укаже прилика и да извлечеме позитивен резултат. Деновиве се спремаме специјално за Веспрем и верувам во добар натпревар.

-Шансите за осминафинале се тука, ќе се бориме за бодови на секој натпревар и добро е што сите опции зависат од нас. За мечот со Висла ќе бидеме уште поспремни и работите кои ги бара новиот тренер ќе бидат појасни. Ќе се воиграме и верувам дека ќе ја минеме групата.

-Веспрем има на секоја позиција ракометари од светска класа, имаат ротација и проектирани се за големи работи. Играњето за Веспрем значи битка за освојување на сите трофеи, па и годинава е така. Играат на домашен терен и тешко е да се игра во таа сала. Публиката е гласна, но спортски е да се надеваме и да се бориме до последниот атом од силите -порача Манасков.