Манасков блескаше и со девет гола го водеше Веспрем до нова победа

Веспрем очигледно нема конкуренција во домашното првенство и ја продолжи серијата без пораз во унгарскиот шампионат, а денеска прво име на паркетот беше македонскиот репрезентативец Дејан Манасков.

Фаворитот за нова титула во Унгарија го декласираше Егерс со 44:28 во пресметка во која во ниту еден момент не беше неизвено прашањето околу победникот, а најдобра најава за тоа беше првото полувреме во кое домаќинот постигна двојно повеќе голови.

Веспрем ги доби првите 30 минути со 22:11 и стана јасно дека ќе оствари лесна победа, а во второто полувреме постигна уште 23 во мрежата на противникот.

Дејан Манасков беше најдобар поединец на теренот и постигна дури девет погодоци, учинок со кој беше убедливо најдобар стрелец во двата тима.

Покрај левото крило, шест голови постигна Јахија, а пет Ненадиќ.