Мамардашвили со катастрофална реакција ја остави Валенсија без победа во Севилја (ВИДЕО)

Валенсија ја очекува жестока борба за опстанок во Ла Лига и мора да победува, освојува бодови кога има добра ситуација за тоа.

Имено „лилјаците“ со катастрофален кикс во самата завршница останаа со празни раце во пресметката со Реал Мадрид на почетокот на оваа година, додека пак вечерва останаа без победа на гости кај Севилја во 93 минута.

Гостите постигнаа гол во 61 минута преку Риоха и потоа ги одбија сите напади на домаќините и се изгледаше дека со три бода ќе го напуштат „Рамон Санчез Писхуан“, меѓутоа во судиското продолжение по ударот на Педроса многу лоша реакција имаше Мамардашвили кој се врати на голот на Валенсија по повредата, односно го пресели нашиот Столе Димитриевски на клупата за резерви.

Грузиецот очајно реагираше, едноставно им подари гол на домаќините кои со ова избегнаа болен пораз (ОВДЕ погледнете ги погодоците)

Со 13 бода Столе и компанија се на последното место на прволигашката табела.