Мамарадшвили ја објасни одлуката од која најмалку задоволен останува Димитриевски (Фото)

Валенсија од самиот старт на летниот преоден рок имаше план да го продаде Гиорги Мамардашвили и да заработи од неговиот трансфер, а токму поради тоа навреме го ангажираше Столе Димитриевски како слободен агент.

Македонецот беше доведен за да биде новата „единица“ на „Месталја“, но на крајот испадна дека Македонецот ќе мора да почека за ваков статус во Валенсија, откако клубот и играчот се одлучија за варијатна која не е баш секојдневна во модерниот фудбал.

Валенсија вчера ја официјализираше продажбата на Грузиецот во Ливерпул за сума од 35 милиони евра, но Мамардашвили ќе стои целосно на располагање на англискиот клуб дури од наредната сезона.

Гиорги останува во Валенсија и оваа сезона ќе ја игра како позајмен играч, потег со кој автоматски му застана на патот на Димитриевски кој сега ќе мора да се задоволи со статусот на втор голман.

Ова сценарио дефинитивно е најнеповолно за македонскиот чувар на мрежата, а откако целата зделка за Мамардашвили беше потврдена, голманот се обиде да објасни зошто останува уште една сезона на „Месталја“.

– Здраво Валенсијанисти…… Сакам да ја почнам оваа порака со едно огромно благодарам до сите вас….. Вашата безрезервна поддршка беше константна мотивација за мене во изминативе три години, вие постојано ме радувавте на секој меч, на секој тренинг, во секој момент минат заедно. Тоа се искуства кои секогаш ќе ги носам во своето срце.

– Нема доволно зборови со кои можам да ја искажам благодарноста кон вас за се што ми дадовте. Направивте да се чувствувам како дома, Валенсија е клучна за мојата кариера, Валенсија ми го промени животот. Поради тоа одлучив да останам уште една година тука и да го дадам најдоброто за да му помогнам на тимот. Сите знаеме дека оваа сезона ќе биде многу тешка, па затоа треба да бидеме посплотени од било кога, мора да се натпреваруваме и да се бориме докрај, – порача Мамардашвили.

Валенсија ја отвори новата сезона со два порази на првите два меча, а лоша вест е што следи навистина тежок распоред и во наредните четири рунди.

View this post on Instagram

A post shared by Gio Mamardashvili (@gmamardashvili25)