Малерозната Џирона постави анти-рекорд во Лигата на шампионите

Бојан Миовски и Џирона забележаа пораз на гостувањето кај ПСВ во Лигата на шампионите, а покрај негативниот ефект овој резултат врз пласманот на табелата, шпанскиот клуб забележа и еден анти-рекорд.

Во поразот со резултат 4:0, четвртиот гол на холандскиот претставник всушност беше автогол на Ладислав Крејчи.

Чешкиот интернационалец немаше среќа при својата интервенција и го совлада сопствениот голман, а за Џирона тоа значи четврти натпревар по ред во ЛШ со постигнат автогол.

Крејчи постигна автогол и во поразот од Феенорд, натпревар на кој Џирона имаше и автогол преку Ерера. На гостувањето кај ПСЖ, Французите славеа со автоголот на голманот Газанига.

Според вредните статистичари, ниту една екипа досега не постигнала четири автогола на првите четири натпревари во Лигата на шампионите, без разлика на форматот во кој се игра натпреварувањето.