Малдини решил да прифати работа во Саудиска Арабија

Паоло Малдини ќе биде уште едно важно фудбалско име кое ќе прифати понуда од Саудиска Арабија, бидејќи се очекува да стане нов спортски директор на Ал Итихад.

Легендата на Милан и светскиот фудбал успешно работеше како прв оперативец на „росонерите“, пред неочекувано да заработи отказ пред оваа сезона, па сега неговите квалитети сака да ги искористи актуелниот шампион.

Малдини ќе има задача да се грижи за ростерот на Ал Итихад, а да одлучува и за новиот тренер, кој ќе го замени неодамна отпуштениот Нуно Сантош.

Ал Итихад влезе во слаба резултатска серија која беше прекината вчера, но се уште има големо заостанување зад водечката екипа во првенството.