Поврзете се со нас

Италија

Малдини мајсторски го матираше Де Хеа, Монца верува во спас (Видео)

Објавено

на

Foto:x.com/ACMonza

Монца го стартуваше 20-то коло во Серија А како тим со 10 освоени бода и убедливо последен на табелата, но по вечерашниот исход на „Бриантео“, тимот кој од неодамна го предводи Бокети конечно дочека моменти за славје.

Домашните фудбалери ја принудија Фиорентина да се враќа од два гола негатива, а иако фаворитот возврати со еден гол во мрежата на Турати, како клучен се покажа мајсторскиот гол на Даниел Малдини.

Синот на легендарниот Паоло се прикажа во улога на расен голгетер и прекрасно зафати еден волеј, па неговиот гол за 2:0 не само што го матираше Де Хеа, туку се покажа и како преголема предност пред финишот на мечот.

Претходно, првиот гол за Монца го постигна Чурија, додека за Фиорентина од белата точка стрелаше Белтран.

Со овие три бода, Монца стигна до вкупно 13 на табелата, но втората победа за тимот може да биде онаа иницијална каписла за спас која ја посакуваат сите фанови на овој клуб.

Advertisement
Advertisement

Италија

Advertisement

Популарни